كيفية تشغيل راوتر تي اي داتا

قبل أي كلام الموضوع دة هيبقا شامل كل حاجة عن راوتر تي اي داتا te data من أول الأشتراك والأسعار مروراٌ باستلام رسالة استلام الراوتر من السنترال وبطريقة ظبط اعدادات الكونفجريشن وتشغيل راوتر تى اى داتا te data الجديد، مرورا أيضاٌ بسرد إلي حصل معاية بعد تشغيل الراوتر والتفاجئ بسرعة 64 ك بايت/ثانية وإزاي زادة السرعة لتصل إلى سرعتي الطبيعية الي مشترك بيها.
كيفية تشغيل راوتر تي اي داتا

أسعار وسرعات تي إي داتا الجديدة :-
سرعة 1 ميجا ، تحميل 10 جيجا بايت ، بسعر 50 جنيه شهرياٌ.
سرعة 1 ميجا ، تحميل 100 جيجا بايت ، بسعر 95 جنيه شهرياٌ.
سرعة 2 ميجا ، تحميل 150 جيجا بايت ، بسعر 140 جنيه شهرياٌ.
سرعة 4 ميجا ، تحميل 200 جيجا بايت ، بسعر 220 جنيه شهرياٌ.
سرعة 8 ميجا ، تحميل 300 جيجا بايت ، بسعر 350 جنيه شهرياٌ.

عرض راوتر تي إي داتا :-
كل السرعات تحصل على راوتر مجاني ما عدا سرعة 1 ميجا (10 جيجا بايت).

طريقة إلغاء أو تغير خدمة تي إي داتا :-
لو عاوز تلغي الخدمة أي تلغي إشتراكك مع تي إي داتا قبل إنتهاء مدة 12 شهر من الخدمة منفصلة أو متصلة من تاريخ تشغيل الخدمة لازم تدفع للشركه 245 جنيه، دة ثمن الروتر الي المفروض مجاني، والشرط دة جزائي بمعنى انك بتمضي عليه أثناء اشتراكك في الخدمة.
طلب تغير السرعة مجاني بدون دفع اي غرامة ماعدا التغير لسرعة 1 ميجا (10 جيجا بايت) السرعة دي كلها حورات، المهم لو عاوز تغير لسرعة الـ 1 ميجا (10 جيجا بايت) تدفع للشركه مبلغ 245 جنيع ثمن الراوتر.

طريقة ظبط اعدادات وتشغيل راوتر تى اى داتا :-
1. فى البداية يجب ان يكون وصلك اليوزر والباسورد على رقم تليفونك المحمول (المشترك بيه) - بعد ذالك قم بتوصيل الراوتر بالكمبيوتر والتليفون الارضي، كما في الشكل التالي.
كيفية تشغيل راوتر تي اي داتا

2. الأن قم بكتابة 192.168.1.1 فى المتصفح واضغط enter وبعد ان تفتح معك صفحة الراوتر كما فى الصورة التالية اكتب الاسم admin والباسور ايضا admin.
كيفية تشغيل راوتر تي اي داتا

3. بعد ذالك سوف تظهر لك الصفحة التالية قم بكتابة اليوزر والباسورد الذى وصلك فى رسالة على تليفونك المحمول من شركة تى اى داتا te data بشكل صحيح واضغط next .
كيفية تشغيل راوتر تي اي داتا

4. فى هذه الخطوة يمكنك تغيير اسم شبكة الواى فاى الخاص بك فى الخانة الموجود بها كلمة WwW.Flsngy.CoM وكتابة باسور واى فاى قوية، لو عاوز تلغي الواي فاي شيل علامة صح من Enable WLAN.
كيفية تشغيل راوتر تي اي داتا

الي فات دة كلة حمادة وإلي جاي حمادة تاني خالص نيجي بقا للواقع، رحت أقدم ع راوتر تي داتا وفعلا قدمت ومضيت ع الورق الكتير الي ملهوش اي لازمة، المهم إشتركت في سرعة 1 ميجا (100 جيجا بايت) ودفعت الـ 95 جنيه ومشيت، قبل مامشي الموظف قالي لما تجيلك رسالة ع الموبيل من تي إي داتا ابقا روح استلم الراوتر من السنترال قلتلة طيب، قعدت مستني الرسالة دي أسبوع في التاني في التالت الحقيقة مليت روحت قدمت طلب سرعة ان الراوتر أتاخر وكدة واستنيت تاني وفي الأخر الرسالة جاتلي بعد 40 يوم، المهم قلت مش مشكلة روحت استلمت الراوتر ورجعت ركبتة وظبط اعداداته تمام ويارتني مستلمته، في الأخر أتفاجئ ان سرعة النت 64 كيلو بايت مع انها المفروض تبقا 1 ميجا يعني مش محصلة الربع :(، اتصلت بخدمة العملاء 19777 قالو فعلا في مشكلة في السرعة وهنحلها في خلال 24 ساعة وإحنا اسفين وبتاع المهم انا اتثبت ^_^ أصلهم محترمين اوي، المهم استنيت بدل الـ24 يومين ومفيش حاجة، السرعة زفت زي مهيا فروحت للسنترال وقدمت شكوى واتنين و 3 وكل مرة يقولو استنى 24 ساعة والسرعة هتزيد، عده أسبوعين ومفيش اي سرعة زادت رحت بقا قلت الغي الاشتراك لقيت موظف محترم في الدعم الله يباركله قلتلة عاوز الغي الاشتراك قالي ليه حكتلة الحوار من اوله لاخره قالي لا اصبر اخر 24 ساعة وانا هزودلك السرعة وفعلا كانت اخر 24 ساعة والسرعة اتظبطط وبقيت تمام، المشكلة هنا بقا في الموظفين ولا في مين ؟.

نصل إلى نهاية موضوعنا وكدة تكونوا عرفتم أسعار وسرعات تي إي داتا الجديدة وعرض راوتر تي إي داتا المجاني وطريقة إلغاء أو تغير السرعة وأخراٌ طريقة ظبط اعدادات وتشغيل راوتر تى اى داتا،
أي إستفسار أو حاجة ف الشرح مش واضحة أترك تعليق في الأسفل.

شاهد أيضاٌ :-

كيفية تشغيل راوتر تي اي داتا

2 التعليقات

السرعة اتظبطط بقت كام يعني؟ عايزين نعرف عاشان نبقا عارفين