كلمات اغنية كايروكي ناس بترقص و ناس بتموت

لنا ولكم اللقاء متابعينا الكرام مع كلمات اغنية وطنية ثورية حاذت ع اعجاب الجميع؛ لانها تناقش حال مصر الأن وتظهر الجانب السلبي بدون استحياء، موعدكم مع كلمات اغنية كايروكي ناس بترقص و ناس بتموت.

كلمات اغنية كايروكي ناس بترقص و ناس بتموت
اغنية كايروكي ناس بترقص و ناس بتموت
الأغنية كلمات امير عيد ، غناء والحان وتوزيع فرقة كايروكي

Sound Mixing & Mastering by Sary Hany

D.O.P: Moataz Ibrahim

Directed by Sara El Shazly

كلمات اغنية كايروكي ناس بترقص و ناس بتموت

الحقيقة واضحة وضوح الشمس
لكن ممنوع الاقتراب أو اللمس
كلمة الحق في الزمان ده انتحار
لو قلتها تبقى ماشي عكس المسار
عندي بدل الأمارة ألف أمارة
مالكوم اكس و غاندي و تشي جيفارا
ماتو بالرصاص عشان حسوا بالناس
ال ايه كانو عايزين العدل يكون اساس
جرب تقول حرية او عدالة اجتماعة
جرب تقول مساواة او كرامة انسانية
جرب تقول حقوق انسان او تعارض النظام
اوعي تفكر تفكيرك خط احمر
اخرك هتقدر تاخد عيش
عشان يسكتوك مش عشان تعيش
و لو صممت تمشى عكس الناس
الأجابة هتكون بالرصاص

ناس بترقص و ناس بتموت
و أعلى صوت فى الحفلة صوت السكوت

الجهل وحش و من صناعة الأنظمة
سلاح بينفع فى كل الأزمنة
أدى الناس سمكة هيكلوا يوم
علم الناس الصيد هيكلوا كل يوم
العلم نور و النور علينا مش بيعدى 
عايشين فى ضلمة والضلمة ياما بتخبى
قتل , حبس , دم , فساد و ظلم
أغتصاب لأى حلم عايشين فى سجن
و مع الوقت كل حاجة بتعدى
أكل العيش صعب بيخلى العقل يصدى
و الخوف ساكن قلوب الناس
و بيقتل جواهم الأحساس

يا اهالينا ده المستقبل لينا
متبقوش انتوا والزمن علينا
جيلكم ساكت ولا عمره اتكلم
دلوقتي جي ينظر ويعلم
ان الاوان الراية تتسلم

ناس بترقص و ناس بتموت
و أعلى صوت فى الحفلة صوت السكوت
ناس بترقص و ناس بتموت
و أعلى صوت فى الحفلة صوت السكوت

:(

شاهد أيضاٌ :-

كلمات اغنية كايروكي ناس بترقص و ناس بتموت