هيضحكو تاني إزاي ؟

بعيداٌ عن عنوان الموقع "فلسنجي" وبعيداٌ عن ان كل مواضيعنا بتحتوي على نوع من الكوميديا والفكاهة، بعرض لكم اليوم موضوع عن مصرنا الحبيبة، الحقيقة أنا مش عارف ابداء منين بس فعلآ هيضحكو تاني إزاي ؟، بعد الي شفناه وسمعناه وبعد الي بيحصل كل يوم في مصر، هل هنعرف نضحك تاني ؟ مظنش، الضحكة خلاص بقا ملهاش معنى ولا طعم :(.

هيضحكو تاني إزاي ؟ فلسنجي
صورة توضح حال المصريين الأن - مقتبسة من ترايدنت
اثنين من الشباب المصري ذهبوا الي مترو الانفاق ودخلوا الي عربات المترو محاولين اضحاك الناس البسطاء ولكن شيئ غريب حدث، وهو ان الناس تنحت بمعنى أصح إتصدموا، ليه طب فين الضحكة ؟ دة كان بيتقال علينا شعب إبن نكتة؛ ولا دة كان زمان ؟

تعالو نشوف المصريين هيضحكو تاني إزاي :
هيضحكو تاني إزاي والناس بتموت فى الشوارع من البرد ومن الجوع ؟
هيضحكو تاني إزاى وهما مش عارفين يوفروا حياه كريمة لأولادهم ؟
هتيجي منين الضحكة ومفيش حد بيحترم التانى ؟
هيضحكوا إزاى وكل شوية نسمع عن تفجيرات وعمليات إرهابية وناس بتموت ؟
هيضحكو تاني إزاى فى دولة القانون فيها مجرد حبر على ورق ومحدش بيعرف ياخد حقه غير بالدراع ؟
هيضحكو إزاى وكل لما يتعمل ثورة بتفشل بسبب دولة الظلم والمحسوبية ؟
هيضحكو تاني إازاي والبلد بتنهار ؟

والأن مع دعاء لفك الكرب :
يا من أجبت دعاء نوح فانتصر ........... وحملته في فلكك المشحون
يا مــن أحــال النار حول خليلـه ............ روحا وريحــانا بـقولك كونــي
يا مـن أمرت الحوت يلفظ يونس .......... وستـــــرته بشجيرة اليـــقطين
يا رب إنـــا مثلــــه فــــي كربــــــة ........ فارحــم عبادا كلهم ذو النــون

متى تعود الضحكة للشعب المصري:
تعود الضحكة عندما تعود مصر الأمنة الشامخة الحرة القوية.
تعود الضحكة عندما يأتي رئيس يخاف الله.
تعود الضحكة عندما نحترم بعض.
تعود الضحكة عند عودة العدل والحق.
تعود الضحكة عندما تتوفر حياة كريمة.
تعود الضحكة عندما تحب لأخيك ما تحبه لنفسك.

على العموم ربنا يصلح الحال يارب وترجع الضحكة والفرحة لكل شعب مصر.
كدة أكيد كلنا عرفنا المصريين هيضحكو تاني إزاي ؟

شاهد أيضاٌ :-

هيضحكو تاني إزاي ؟

2 التعليقات

فعلا عندك حق بس باءذن الله هيرجع الشعب يضحك تاني زي الاول واكتر مشكوووووووور

اهلا بكـ في مدونة فلسنجي
إن شاء الله ترجع الضحكة